Kurti: Gjyqi në Hagë nuk e ndryshon dot të vërtetën, lufta e UÇK për liri e mbijetesë ishte e drejtë

Lexoje me nge

Kryeministri i Kosovës, Albin Kurti, në Konferencën Ndërkombëtare që shënon Ditën e Pavarësisë, theksoi se procesi gjyqësor në Hagë ndaj ish-krerëve të UÇK-së nuk mund të ndryshojë të vërtetën historike: lufta e UÇK ishte një luftë e drejtë dhe e domosdoshme për liri dhe mbijetesë, përgjigje ndaj represionit dhe genocidit serb. Ai hodhi poshtë narrativat serbe për “Shtëpinë e Verdhë” dhe nënvizoi rëndësinë e dokumentimit, kujtesës dhe drejtësisë tranzicionale për ndërtimin e një të ardhmeje të lirë dhe të barabartë në Kosovë.