KOSTT: Kosova po përballet me vështirësi në balancimin e sistemit energjetik

Lexoje me nge

Operatori i Sistemit, Transmisionit dhe Tregut në Kosovë (KOSTT) njoftoi më 20 janar se Kosova po përballet me vështirësi në balancimin e sistemit energjetik, për shkak të devijimeve të mëdha midis energjisë së nominuar dhe kërkesës reale. KESCO ka nominuar rreth 26.17% më pak energji sesa kërkesa reale, duke shkaktuar jobalanca deri në 260 MW në orë. KOSTT kërkon korrigjim të menjëhershëm dhe paralajmëron kufizim ngarkese për të garantuar sigurinë e sistemit. Kosova prodhon 94% të energjisë nga dy termocentralet me thëngjill, ndërsa pjesa tjetër nga energia e gjelbër. Kriza është për shkak të mungesës së investimeve kapitale dhe Kosovës i duhet import i madh i energjisë, kryesisht nga Maqedonia e Veriut dhe Shqipëria.