Përurohet në Prishtinë muralja kushtuar “Personave të Zhdukur me Dhunë” gjatë luftës

Lexoje me nge

Në Ditën e Personave të Zhdukur me Dhunë gjatë luftës, në Prishtinë u përurua një mural kushtuar nënë Ferdonije Qerkezi, simbol i dhimbjes së familjeve që presin të afërmit e tyre. Muralja qëndron në bulevardin “Dëshmorët e Kombit” dhe synon ruajtjen e kujtesës kolektive për mbi 1500 persona të zhdukur. Aktivistë dhe përfaqësues institucionalë theksuan rëndësinë e kujtesës dhe drejtësisë. Autorja Ermira Murati e cilëson këtë vepër një akt nderimi për dhimbjen e familjeve. Në Kosovë u zhvilluan edhe aktivitete të tjera për këtë ditë.