Europol godet rrjetin kriminal në Kosovë, sekuestrohen 80 milionë euro

Lexoje me nge

Mesazhet e shkëmbyera në platformën e komunikimit të koduar SKY ECC kanë zbuluar një rrjet të krimit të organizuar me bazë në Kosovë, i dyshuar për trafik droge, përdorim dokumentesh të falsifikuara, armëmbajtje pa leje dhe pastrim parash në disa vende të Evropës. Operacioni trevjeçar me mbështetjen e Europolit kulmoi më 9 qershor me arrestimin e pesë anëtarëve dhe sekuestrimin e aseteve me vlerë rreth 80 milionë euro. Rrjeti përdorte komunikime të koduara për të koordinuar aktivitetet kriminale ndërkombëtare. Operacioni u zhvillua me bashkëpunimin e Belgjikës, Francës, Kosovës dhe Holandës.