Përfundojnë gërmimet në Zubin Potok

Lexoje me nge

Procesi i gërmimeve dhe zhvarrosjes në tri lokacione në Kalludër të Vogël dhe Jabukë të Zubin Potokut përfundoi, duke konfirmuar tri varreza masive me mbetjet e 23 personave të zhdukur gjatë luftës në Kosovë. Vazhdon ekzaminimi mjekoligjor dhe identifikimi ADN. Autoritetet dyshojnë se mbetjet i përkasin “grupit të intelektualëve të Mitrovicës”. Janë arrestuar tre të dyshuar për krime lufte, ndërsa Kosova kërkon nga Serbia hapjen e arkivave ushtarake. Sipas Institutit të Krimeve të Kryera Gjatë Luftës, 1,577 persona janë ende të zhdukur pas luftës së vitit 1998-99.